Pinapayuhan ng Food and Drug Administration (FDA) ang publiko laban sa pagbili at paggamit ng mga pekeng bersyon ng Tetanus Toxoid (Adsorbed) T-Vac 0.5ml I/M:
Ayon sa pagsusuri ng FDA kasama ang Marketing Authorization Holder (MAH), Genpharm Inc., ang mga nasabing produkto ay napatunayang peke. Ang paghahambing ng nakolektang pekeng mga gamot at kakaibang katangian ng tunay na produkto ay ang mga sumusunod:
| Tunay/Authentic | Peke/Counterfeit |
| 1. Ang dulo ng ampoule ay makinis
2. Ang takip ng karton ay may code/serial number 3. Ang pagkakasulat ng mga letra ay mas magkakadikit 4. Ang nakalagay sa label ng karton ay: “Meets WHO “Requirements” 5.Ang nakalagay sa label ng karton ay: Caution Statement: “Devices” |
1. Ang dulo ng ampoule ay pabilog at hindi pantay ang gilid
2. Ang takip ng karton ay walang code 3. Ang pagkakasulat ng mga letra ay hiwa-hiwalay 4. Maling baybay na nakasaad sa label: 5. Maling baybay na nakasaad sa label: |
Ang lahat ng healthcare professionals at publiko ay binabalaan tungkol sa paglipana ng nasabing pekeng gamot sa merkado na maaaring magdulot ng panganib sa kalusugan ng mga gagamit nito. Ang publiko ay pinapaalalahanan ring bumili lamang sa mga establisyamentong lisensyado ng FDA.
Gayundin, ang lahat ng establisyamento ay binabalaang huwag magbenta nitong produkto na nagtataglay ng mga nasabing katangian ng pekeng gamot. Ang pag-aangkat, pagbebenta at pamamahagi nito ay paglabag sa Republic Act No. 9711 o ang Food and Drug Administration Act of 2009 at Republic Act No. 8203 o ang Special Law on Counterfeit Drugs. Ang sino mang mapatunayang nagbebenta ng nasabing pekeng produkto ay mapaparusahan.
Hinihiling sa lahat ng Local Government Units (LGUs) at Law Enforcement Agencies (LEAs) na tiyaking ang pekeng produktong ito ay hindi maibebenta o magagamit sa kanilang mga nasasakupan.
Para sa karagdagang impormasyon at katanungan, maaaring mag-email sa [email protected]. Upang mag-report ng patuloy na pagtitinda o pangangalakal ng mga pekeng gamot, mag-email sa [email protected], o mag-report gamit ang aming online reporting facility, eReport, sa www.fda.gov.ph/ereport. Maaari ring tumawag sa Center for Drug Regulation and Research (CDRR) sa numerong (02) 8809-5596. Para sa mga hinihinalang hindi kanais-nais na reaksyon sa gamot, i-report agad sa FDA gamit ang link na ito: https://primaryreporting.who-umc.org/ Reporting/Reporter? OrganizationID=PH at kumpletuhin ang mga kinakailangang impormasyon.
Ang lahat ay hinihikayat na palaganapin ang mga nakasaad na impormasyon.
Attachment:-> FDA-Advisory-No.2020-1838-A