Pinapayuhan ng Food and Drug Administration (FDA) ang publiko laban sa pagbili at paggamit ng mga pekeng bersyon ng Human Tetanus Immunoglobulin Tetagam® P 1ml (250 IU) Solution for Injection:
Ayon sa pagsusuri ng FDA kasama ang Marketing Authorization Holder (MAH), Zuellig Pharma Corporation., ang mga nasabing produkto ay napatunayang peke. Ang paghahambing ng nakolektang pekeng mga gamot at kakaibang katangian ng tunay na produkto ay ang mga sumusunod:
| Tunay | Peke |
| 1. Ang rehistradong Tetagam P sa Pilipinas ay nakalagay sa pre-filled syringe (PFS).
2. Pahayag na nilalaman ng harap ng karton: Pre-filled syringe; 1 ml (250 IU); Tetagam® P; Active ingredient: Human tetanus immunoglobulin; Solution for injection for intramuscular use.; Store at +2 °C to +8 °C. Do not freeze!; CSL Behring GmbH, 35041 Marburg, Germany; CSL Behring |
1. Ang produkto ay nakalay sa ampoule na may blue scored point
2. Pahayag na nilalaman ng harap ng karton: 1ml mind./au moins 250 IE/UI; Tetagam® P; Wirkstoff/Agent actif.: Tetanus-Immunglobulin vom Menschen/Immunglobuline humaine tetanique; CSL Behring AG, Bern; CSL Behring
|
Ang lahat ng healthcare professionals at publiko ay binabalaan tungkol sa paglipana ng nasabing pekeng gamot sa merkado na maaaring magdulot ng panganib sa kalusugan ng mga gagamit nito. Ang publiko ay pinapaalalahanan ring bumili lamang sa mga establisyamentong lisensyado ng FDA.
Gayundin, ang lahat ng establisyamento ay binabalaang huwag magbenta nitong produkto na nagtataglay ng mga nasabing katangian ng pekeng gamot. Ang pag-aangkat, pagbebenta at pamamahagi nito ay paglabag sa Republic Act No. 9711 o ang Food and Drug Administration Act of 2009 at Republic Act No. 8203 o ang Special Law on Counterfeit Drugs. Ang sino mang mapatunayang nagbebenta ng nasabing pekeng produkto ay mapaparusahan.
Hinihiling sa lahat ng Local Government Units (LGUs) at Law Enforcement Agencies (LEAs) na tiyaking ang pekeng produktong ito ay hindi maibebenta o magagamit sa kanilang mga nasasakupan.
Para sa karagdagang impormasyon at katanungan, maaaring mag-email sa [email protected]. Upang mag-report ng patuloy na pagtitinda o pangangalakal ng mga pekeng gamot, mag-email sa [email protected], o mag-report gamit ang aming online reporting facility, eReport, sa www.fda.gov.ph/ereport. Maaari ring tumawag sa Center for Drug Regulation and Research (CDRR) sa numerong (02) 8809-5596. Para sa mga hinihinalang hindi kanais-nais na reaksyon sa gamot, i-report agad sa FDA gamit ang link na ito: https://primaryreporting.who-umc.org/ Reporting/Reporter? OrganizationID=PH at kumpletuhin ang mga kinakailangang impormasyon.
Ang lahat ay hinihikayat na palaganapin ang mga nakasaad na impormasyon.