Pinapayuhan ng Food and Drug Administration (FDA) ang publiko laban sa pagbili at paggamit ng mga pekeng bersyon ng Co-Amoxiclav (Clavistan-625) 500 mg / 125 mg Film Coated Tablet.
Ayon sa pagsusuri ng FDA kasama ang Marketing Authorization Holder (MAH), Hexagon Healthcare Corporation, ang nasabing produkto ay napatunayang peke. Ang paghahambing ng nakolektang pekeng gamot at kakaibang katangian ng tunay na produkto ay ang mga sumusunod:
| Tunay /Authentic | Peke/ Counterfeit |
| 1. Ang blister pack ay may batch number, manufacturing date, and expiry date sa bandang ibaba ng salitang ANTIBACTERIAL.
2. Ang simbolong Rx ay mas Malaki at nakalimbag ng patayo sa kanang bahagi ng “brand name, 625 mg at antibacterial”.
3. Ang generic at brand name ay nakalimbag sa maliliit na letra maliban sa unang letra nito na nakalimbag ng malaki.
|
1. Ang blister pack ay may nakaukit na expiry date sa bandang gitnang itaas pero walang batch number.
2. Ang simbolong Rx ay nakalimbag na mas maliit sa kanang bahagi ng generic name.
3. Ang generic at brand name ay nakalimbag sa malalaking letra. |
Ang lahat ng healthcare professionals at publiko ay binabalaan tungkol sa paglipana ng nasabing pekeng gamot sa merkado na maaaring magdulot ng panganib sa kalusugan ng mga gagamit nito. Ang publiko ay pinapaalalahanan ring bumili lamang sa mga establisyementong lisensyado ng FDA. Ugaliing tignan kung rehistrado ang produkto sa FDA sa pamamagitan ng FDA Verification Portal feature na makikita sa http://verification.fda.gov.ph.
Gayundin, ang lahat ng establisyemento ay binabalaang huwag magbenta ng mga pekeng gamot na nagtataglay ng nasabing katangian. Ang pagaangkat, pagbebenta at pamamahagi nito ay paglabag sa Republic Act No. 9711 or the Food and Drug Administration Act of 2009, and Republic Act No. 8203 or the Special Law on Counterfeit Drugs. Ang sino mang mapatunayang nagbebenta ng nasabing pekeng produkto ay mapaparusahan.
Hinihiling sa lahat ng Local Government Units (LGUs) and Law Enforcement Agencies (LEAs) na tiyaking ang pekeng produktong ito ay hindi maibebenta o magagamit sa kanilang mga nasasakupan.
Para sa karagdagang impormasyon at katanungan, maaring mag-email sa [email protected]. Upang mag-report ng patuloy na pagtitinda o pangangalakal ng mga pekeng gamut, mag-email sa [email protected], o mag-report gamit ang aming online reporting facility, eReport, sa www.fda.gov.ph/ereport. Maaari ring tumawag sa Center for Drug Regulation and Research sa numerong (02) 8809-5596. Para sa mga hinihinalang hindi kanais-nais na reaksyon sa gamut, i-report agad sa FDA gamit ang link na ito: https://primaryreporting.who-umc.org/Reporting/Reporter?OrganizationID=PH at kumpletuhin ang mga kinakailangang impormasyon.
Ang lahat ay hinihikayat na palaganapin ang mga nakasaad na impormasyon.